வாழ்வு தொடங்குமிடம் நீதானே திரைப்படத்தில் நடிகைகள் நிராஞ்சனா, சுருதி பெரியசாமி முக்கிய கதாபாத்திரத்தில் மற்றும் அஸ்வத் மற்றும் பலர் நடித்துள்ளனர். இயக்குனர் ஜெயராஜ் பழனி இயக்கத்தில் ஓடிடி தளமான ஷார்ட்ஃபிளிக்ஸ் தளத்தில் வெளியாகியிருக்கும் படம் தான்
”வாழ்வு தொடங்குமிடம் நீதானே”
லெஸ்பியன்கள் பற்றி உணரும் படம்
இப்படத்தை பிரபல நடிகை நீலிமா இசை தயாரித்துள்ளார். தன் பாலின ஈர்ப்பாளர்களை மையப்படுத்தி இப்படம் எடுக்கப்பட்டுள்ளது.
தரங்கம்பாடி அருகே ஒரு ஒரு இஸ்லாமிய குடும்பத்தைச் சேர்ந்தவர் ஷகிரா. இவரின் வீட்டிற்கு திருச்சியில் இருந்து மார்டனாக வினோதா என்ற பெண் வருகிறார்.
சினிமா எடுப்பதற்காக இந்த பகுதிக்கு வந்திருப்பதாகவும், சில நாட்கள் இங்கு தங்கியிருக்க இருப்பதாகவும் கூறுகிறார் வினோதா.
தனது வீட்டிலேயே தங்கிக் கொள்ளுமாறு கூறிவிடுகிறார் ஷகிராவின் தந்தை. ஷகிராவும் வினோதாவும் ஒரே அறையில் தங்குகின்றனர்.
அந்த சமயத்தில் இருவருக்கும் காதல் ஏற்படுகிறது. இந்த காதலை வினோதா ஷகிராவின் அப்பாவிடம் கூறுகிறார். இதனால், கோபம் கொண்ட இருவரையும் அடித்து விடுகிறார் ஷகிராவின் தந்தை.
இந்நிகழ்வால், அவசரமாக ஷகிராவிற்கு திருமண ஏற்பாடுகளை செய்கிறார். இறுதியில் ஷகிராவும் வினோதாவும் இணைந்தார்களா.? இந்த சமுதாயம் இவர்களை ஏற்றுக் கொண்டதா இல்லையா என்பதே படத்தின் மீதிக் கதை.
நிராஞ்சனா, சுருதி பெரியசாமி இருவரும் தன்பாலின ஈர்ப்பாளர்களாக நடித்துள்ளார்கள். வெளிநாடுகளில் இருந்த இம்மாதிரியான கலாச்சாரம், நம் நாட்டிற்கு வர ஆரம்பித்துள்ளது.
அரசும் அவர்களின் உணர்வுகளுக்கு மதிப்பளியுங்கள் என்று அனுமதியும் வழங்கியுள்ளது.
நம் மாநிலங்களில் இம்மாதிரியான தன் பாலின ஈர்ப்பாளர்கள் பற்றிய விழிப்புணர்வு இப்போது தான் எழ ஆரம்பித்துள்ளது. அது, இன்னும் மக்கள் மனதில் சென்றடைய விழிப்புணர்வு ஒன்றே வேண்டும்.
வாழ விடுங்கள் வாழ விடுங்கள் என்று கூறுவதை விட, தங்களின் உணர்வுகளை அனைவரும் புரிந்து கொள்ளும்படியான செய்தி மக்களிடத்தில் கொண்டு சேர்க்க வேண்டும்.
திரைக்கதையை மிக அற்புதமாக நகர்த்தியுள்ளார் இயக்குனர்.
சுருதி மற்றும் நிரஞ்சனாவின் முத்த காட்சிகள் இப்படத்தின் மிகப்பெரிய ஹைலைட்.
இது போன்ற கதைகளை தேர்ந்தெடுத்து தயாரிக்கும் நீலிமா இசைக்கு பாராட்டுக்கள்.
சமுதாயத்தில் திரைப்படம் ஒரு விழிப்புணர்வு திரைப்படமாக அமைந்துள்ளது.
மொத்தத்தில் அனைவரும் பார்க்கக்கூடிய திரைப்படம்.